السلام عليكم ورحمة الله وبركاتة
قريت هالقصه .. و بصراحه ضحكت عليها و إعجبتني و حبيت
إنكم تشاركوني فيها هذي قصة حقيقية عن زواج بنت .
و بحكي لكم عن قصة زواجها الغريبة هذي البنت سلمكم الله
عندها خوات أكبر منها و أصغر منها و هي توها متخرجة من
الثانوي المهم بالبيت ما عندهم خدامة كل يوم الدور على وحدة
من البنات تطبخ و بعدين ترمي الزبالة عند الباب ( كرمكم الله )
جاء دور هالبنت اللي أتكلم عنها .. كانت سهرانة مع إخواتها
الين الساعة 2 الصبح و بعدها خواتها طلعوا ينامون فوق و
هي قعدت تنظف المطبخ .. و قامت طلعت الزبالة عند الباب ..
قالت البنت فى نفسها ..
ليش أحطها عند الباب خليني أتشجع و أرميها بالزبالةبرة
أحسن .
و طلعت بره بالشارع و كان الشارع فاضي و الساعة
حوالي 3.30 !! يوم جت تطلع ترمي الزبالة قفل باب بيتهم
و قعدت المسكينة بالشارع .. فكرت ترن الجرس خافت أبوها
يهاوشها و يسويلها شيء ( لأن أبوها شديد ) و طلعت بالشارع
ما عليها إلا دراعة البيت !! حست أن صوت يقرب .. صوت
سيارة !! قامت مسكت الزبالة و قلبتها و دخلت داخلها !!
كان اللي جاي ولد الجيران ، جا ولد الجيران و وقف
السيارة و طلع المفتاح عشان بيدخل للبيت إلا يسمع صوت
يتحرك بالزبالة؟؟!!
وإستغرب إن الزبالة مقلوبة قام قرب من عندها و جا بيرفع
الزبالة و يعدلها إلا صرخت البنت و قالت : لالالالا ..!!
قال: بسم الله الرحمن الرحيم .. إنتي إنس و لا جن؟!
قالت: و الله إنس قال : إنتي وش جابك هنا ؟؟!!
قالت له القصة و هي متغطية بالزبالة و ترجت ولد الجيران
يساعدها ..
قال: خلاص لا تخافين، قام قرب سيارته من باب البيت
و ركب فوق السيارة و نط و فتح للبنت الباب و قال لها :
إدخلي بسرعة لا أحد يشوفك !! قامت المسكينة ما
صدقت رمت الزبالة .. و طلعت جذي جدام ولد جيرانهم ..
دخلت و قفلت الباب على طول ،،، و ولد الجيران واقف ما
تحرك يطالع فيها !!! ما مر على هالسالفة يومين إلا جا و
خطبها من أبوها و تزوجها .
و الله قصة زواج غريبة و على فكرة ترى هذي سالفة حقيقية
و حصلت بالفعل و اللي يعيش ياما يشوف و يسمع .
على العموم الله يسعدهم و يوفقهم و نتمنى لهم زواج موفق
و حياة حلوه .. آمين .
حفظكم الله
موضوع: زواج حقيقيه و مضحكه !!!(قصه) 
الإثنين فبراير 04, 2008 11:57 pm
